Jugend Liesing lädt zum „Herbschtfescht“
In Liesing im Lesachtal findet am 16. September das „Herbschtfescht“ statt. Die Jugend Liesing bat uns, ihre Einladung im Lesachtaler Dialekt zu veröffentlichen.
Hörbischt werd, bunta Blattlan, amol gscheida Weine und a Musik et la va do Douse. Afn Somstag in 16. is Neinte hotto eppa is leschte Mol die Meiglichkeit va den Summo die Ledohouse odo die Trocht auszifihrn. Pockt enko Graffl zomme und kemmb la zi inson anzigortign Hörbischtfeschtlan af Liasing. Affa sechsa dowort mo enk in an mortz an Zelt ban Soole untn in Liasinga Grobm. Semm hommo longe gekopft, wos mo enk musikalisch und kulinarisch – des wisst schon, eppas zin beißn – bietn kennin.
Zin Lousn seimo woltan froah, dass die Südtiroler Partie Volxrock ba ins appl Gas gebm weard. Mir garantiern enk- Sou eppas hotto nou nia ghert, Va Amerika bringint se Schwarmetoll, also Heavy Metall und RocknRoll und spielnt nochan insriga Musik dozua. Ehrlich a lässige Partie. Dovour loss mos mit ando Leasachtola Truppe aufgeahn. Olmfätt haßnt de und musiziernt vour ollm böhmisch und Volksmusik. Damit do eppas zin Schaugn a hot, wenn enk die Musika zi weanig schean seint, wernd die Tillga Platta, also die Volkstanzgruppe van Tillga und die Kindovolkstonzgruppe ausn Leasach auftonzn. Wie gsog, affa 6a af di Nocht loss mos in Zelt aufgeahn.
Damit do ins ette van Fleische follt, hommo wo gekocht a. Gebm tuats a poor Drimmo van Leasachtola Fleisch, und Wraps. Gsog hond se, sell isch a wia Palatschinkn mit ollahond Glumpat dinne. Zin Nochspialn gibs ana Weine ausn Burgnlond van Weingut Krikler. Eppa ando va die Bessan. Dass do a guats Glasl Wein trinkn kennt, hommo gschaug, dass enk a Bus va zeiboscht in Sillian und zintoscht in Kirchboch oholt und wiedo guat hambring. Mir, die Jugend Liesing gfreiatn ins gonz wilde, wenndo olla kemmat und longe bleib, weil in Tog drauf isch eh letzis Wetto, semm geaht afn Feld eh nicht.
Auch die bekannte Südtiroler Band Volxrock ist am Fest in Leasing zu hören.
Herbschtfescht der Jugend Liesing – Samstag, 16. September 2017, ab 18.00 Uhr – Festzelt beim Kultursaal – Volxrock, Orig. Leasachtola Olmfätt, Volkstanzgruppe Obertilliach, Kindervolkstanzgruppe Lesachtal – Weine aus dem Burgenland, Lesachtaler Wraps, Grillspezialitäten vom Lesachtaler Fleisch usw. – Shuttlebus ab/bis Sillian und Kirchbach – Karten im Vorverkauf 5 Euro (Raiffeisenbanken, oeticket-Verkaufsstellen, Vereinsmitglieder), Abendkasse 8 Euro
Text: Redaktion, Fotos: Jugend Liesing
